Dipolog City – Gidakop sa kapolisan ang usa ka gipasanginlang notadong kawatan dihang gipa-unlock ang kinawat nga mahalong cellphone sa usa ka repair shop sa may third floor Dipolog Center Mall Rizal Ave. Barangay Central dakbyan sa Dipolog.
Si Senior Police Officer 1 Alan Tapales ang duty investigator sa Dipolog City Police Station niila sa ilang nadakpan nga mao si Marvin Acojedo Metanti ‘ alyas ‘ Roel Acopiado, 21 anyos, ulitawo nga taga Barangay Sangkol sakop ning dakbayan.
Sumala pa ni SPO1 Tapales sa ilang gihimong follow-up imbestigasyon ang dinakpan maoy natumbok nga responsable sa pagsulod sa usa ka boardinghouse nga giabangan sa tulo ka mga estudyanteng dalaga sa may Purok 2, Barangay Sta. Filomena, niadtong kaadlawon sa adlaw’ng sabado nga gikaigon pa nahinanok pag-ayo sa pagkatulog ug malapuson nalimas niini ang tulo ka mahalong cellphone ug kwartang cash nga mokabat sa 18 mil ka pesos.
Kagahapon ang usa ka unit IPhone 7 Kolor rose gold nga gikatahong apil nadala, gipa-unlock unta sa maong suspek apan namatikdan na sa technician nga gikawat hinundan nanawag na kini sa buhatan sa kapolisan ug didto malampuson kining nadakpan.
Gidungang pa ni SPO1 Tapales ang dinakpan anaa nay record sa ilang buhatan sa kasong kawat kaniadto ug karon lain duha ka ihap sa kasong qualified theft ang ilang isang-at sa bulwagan ng katarungan batok kaniya. (r.m)
