BACOLOD CITY – Now it can be told, uyat gihapon sang DYHB RMN Bacolod ang korona bilang run-away, certified and official No. 1 AM station sa ciudad sang Bacolod kag probinsya sang Negros Occidental.
Ini kasunod nga nagpangibabaw ang DYHB sa bag-o gid lamang ginrelease nga survey result sang 1st semester (January-June) of 2018 KBP Kantar Media Survey.
Nakuha sang RMN Bacolod halos katunga sang audience share nga 42.17 percent.
Nagpangaduha ang DYEZ Aksyon Radyo nga may 24.67 percent, DYWB Bombo Radyo 24.33 percent, ikaapat ang DYVS nga may 4.4 percent samtang ang DYRL Abyan Radyo may 3.45 percent nga audience share.
Angut sini, nagpahayag sang daku nga pagpasalamat ang Station Manager sang DYHB RMN Bacolod nga si Jeony Bigay, DPA kon diin iya ginahalad sa mga pumuluyo sang ciudad kag probinsya ang kadalag-an sang istasyon bangud man sang padayon kag wala untat nga suporta.
Ang amo nga kadalag-an sang DYHB ang isa man ka daku nga regalo sa pagsaulog sang RMN Networks, Inc. sang ika-66 sini nga aniversaryo sini sa maabot nga Agosto 28./dyHB BACOLOD
