[image: IFM 919 Logo (1).jpg]
Padayon ang gihimong imbestigasyon sa Pendatun Police Station kabahin sa ulahing biktima sa pagpamsul sa siyudad nga giila sa pangalang Jayson Jade Sigara 29 anyos minyo og CI Collector sa Desmark Corporation nga residente sa San Pedro Street, Barangay Lagao.
Suspek matod pa sa maong krimen ang duha ka lalaking sakay og motorsiklo nga Honda XRM na way plakang nakakabit diin may tabon sa nawong ang gunman og nakasul-on og helmet ang drayber.
Gipusil ang biktima atubangan sa iyang duha ka mga higala na kainuman niini bandang alas-6 gahapon sayo sa gabie sa Galzote Store nahimutang sa Rosas kanto Marang Street, Barangay Dadiangas South.
Naangkon sa biktima ang tulo ka mga gunshot wounds igo sa iyang duha ka bukton og sa iyang nawong nga gilayong gidala sa St. Elizabeth Hospital og nagpaalim pa karong panahona.
Nakarekober usab ang kapolisan didto sa crime scene og tulo ka slug ingon man duha ka empty shell sa .45 caliber pistol nga gigamit sa mga suspek.
