Gidayeg sa Eastern Mindanao Command ang dakong papel sa komunidad sa paghimo og lakang aron mosurrender ang duha ka sakop sa New Peoples Army o NPA ug militia ng bayan o mas nailing Civilian sa buntag ug NPA sa gabie niadtong Enero 29 ning tuiga.
Matud ni Major General Felimon Santos Jr, Commander sa Eastern Mindanao nga gipakita sa katawhan ang pagpakabana aron maangkon ang kalinaw maong dako ang pagpasalamat niini kanila.
Basi sa report ni Lt. Col. Oscar Balignasay, Commander sa 25th Infantry Battalion ngadto kang Major General Santos nga usa ka alyas Bulao, sakop sa NPA group sa Monkayo Compostela Valley province kauban ang dose ka militia ng bayan ang misurrender human sa sunod-sunod nga hangyo ug pagpanginlabot sa komunidad.
Nasayran nga ang grupo ni alyas Bulao ang responsible sa pagbutang og mga landmine.
Gisurrender usab nila ang ilang M16 rifle, usa ka garand rifle, usa ka kalibre 22 rifle, usa ka IED nga dunay timbang nga 16 ka kilo, unom ka sakong bugas, canned goods, medical supplies ug paraphernalia, dose ka bandoliers, duyanan, personal belongings ug importanteng dokumento.
Sa karon ang maong mga surrenderees ang anaa na sa custodial debriefing sa mga military units alang sa assessment.
