Gihingusgan sa lokal nga panggamhanan sa Butuan sa pagpanguna ni Mayor Ronnie Vicente Lagnada ang pagpalambo sa turismo sa syudad. Kini pinaagi sa nagpadayong konstruksyon o pagkonkreto sa dalan sa Sitio Matin-ao Barangay Bonbon sakop sa syudad sa Butuan. Ang nasangpit na proyekto gisugdan sa NRJ-Butuan City-Mayor Democrito D. Plaza II Avenue road padulong sa Mt. Mayapay (Delta Discovery Park). Kini nga proyekto nahimong posible sa pagtinabangay ug pagpatuman sa Department of Tourism ug DPWH ilawom sa Tourism Road Infrastructure Project kun TRIP nga usa sa prayoridad nga proyekto ni Mayor Lagnada. Gilauman sa City Tourism Office ang pagdagsa sa mga turista kung mahuman ang proyekto tungod komportable na ang pagbyahe sa mga musunod nga mga bulan paingon sa mga tourist spots sa syudad sa Butuan nga nahamutang sa nasangpit nga barangay.
Facebook Comments
