General Santos City— Giangkon ni Police Chief Superintendent Eliseo Rasco, Regional Director sa Police Regional Office 12 nga dakong hagit alang kaniya ang insidente sa pagpamomba sa rehiyon.
Pamahayag niya nga human ang 16 ka-adlaw niyang paglingkod isip director sa rehiyon, tulo ka mga pagbusikad ang misugat kaniya. Una matud pa ang hinay nga pagbuto sa koronadal, ug ang magkasunod nga pagpamomba sa Isulan, Sultan Kudarat.
Gibutyag man usab ni PCSupt Rasco nga adunay managlahing mga information gatherings nga ginahimo ang militar ug kapulisan ug kasagaran dili pareho ang ga intelligence information nga naka-abot kanila.
Busa dili niini mabutyag nga walay kamatuuran ang naunang pamahayag sa militar nga adunay mga bahad sa pagpamomba sa pipila ka mga lugar sa rehiyon.
Apan gipaklaro niini nga ang bahad sa mga pagpamomba ang kanunay nga anaa rason nga nagpahigayon sila ug Special Joint Peace Security Coordinationg Council Meeting uban ang tanang opisyal sa kapulisan ug militar sa tibuok Mindanao nga gihimo dinhi sa dakbayan sa Gensan milabayng adlaw.
Pagpasalamat man usab ni Chief Superintendnet Rasco nga anaa ang pagpakabana sa katawhan aron nga mapabiling luwas ang rehiyon batok sa unsa mang pagpanabotahe sa teroristang grupo.
Pag-angkon man usab niini nga dili gyud kaya sa kapulisan ug militar nga batukan ang terorismo rason nga ilahang gikinahanglan ug ginapangayo ang tabang gikan sa sibilyan.
Busa awhag niini nga ung adunay makit-an nga mga makadudahang mga butang, tawo o mga lihok sa palibot gilayon kining gipaabot ngadto kanila
