Davao City – Gikasohan na sa Bunawan Police Station ang laborer nga giila nga si Juniel Olaco, 35 anyos, taga Marahan West Marilog District, Davao City, human midayo sa pagpamaligya og illegal nga droga sa Km. 28, Barangay Lasang ug nasikop sa mga awtoridad sa buy bust operation niadtong milabay’ng adlaw December 1, 2023.
Sa report gikan sa Bunawan Police Station kasong kalapasan sa RA 9165 o Comprehensive Dangerous Drugs Act of 2002, ang gipasaka sa korte batok sa dinakpan.
Narekocover gikan sa posisyon sa suspect, ang usa ka heat-sealed transparent plastic sachet 1.23 grams nga adunay street value of Php 8,000.00, buy bust money ug mga Illegal drugs paraphernalia.
Ang pagkasikop sa suspetsado kabahin sa gipatumang Simultaneous Anti Criminality Law Enforcement Operation (SACLEO) Operation sa ilang area of responsibility (AOR) ubos sa pagdumala ni Police Major Jake Goles, Acting Station Commander sa Bunawan Police Station.
RadyoMaN Don Pulayao
Facebook Comments
