Boracay Island – Arestado ang isang lalaki sa isinagawang buy-bust operation kagabi sa Sitio Bantud, Brgy. Manocmanoc, Boracay, Malay, Aklan.
Kinilala ang suspek na si Louie Repil Romero, 37-anyos, tubong Brgy. Pinagbuhatan, Pasig City at kasalukuyang nakatira sa Sitio Ambulong, Manocmanoc sa nasabing isla. Inaresto si Romero matapos makipag transaksyon sa mga otoridad ng isang sachet ng shabu kapalit ng P 1, 200.00 na buy-bust money.
Samantala sa isinagawang body search sa suspek ay naka kuha pa ang mga otoridad ng isang plastic sachet nga shabu at isang plastic sachet ng pinaniniwalaang marijuana.
Napag-alaman sa suspek na galing sa Pasig City ang kanyang stocks at Enero 21 pa ang huling dating sa kanya kaya’t kunti na lang ang natira.
Mahaharap sa kasong paglabag sa R.A. 9165 o ang Comprehensive Dangerous Drug Act of 200.
