General Santos-Gipusil patay ang usa ka lalaki sa Brgy. San Jose, Koronadal City pasado alas otso kagabii.
Giila ang biktima nga si Alfred Losok, 20 anyos ug lumulupyo sa Prk. Rizal, Brgy. San Jose, Koronadal samtang ang suspek giila usab nga si Bryan Pagarigan residente sa nsampit nga lugar.
Sa impormasyon sa PNP Koronadal, nakig-inom ang suspek kauban sa iyahang mga higala sa dihang nahitabo ang maong krimen. Kahibaloan nga igo rang nangihi ang nahisgutan dihang kalit kining gipusil sa suspek.
Gilayon nga misibat ang mga suspek sa wala sayring lugar human sa pagpamusil samtang ang biktima nakabsan gilayon sa iyang kinabuhi.
Matud pa sa imbestigasyon sa mga awtoridad nga Personal conflict ang nakit-ang motibo sa maong krimen, samtang karong adlawa usab gikatakdang pasakaan ug kasong murder ang suspetsado. (Joan Gubalani-GSA Intern)
