Padayon pa sa karon ang imbestigasyon sang police angut sa natabo nga pagtiro patay sa isa ka lalaki las 10:30 sang gab-i sadtong Sabado sa area sang BREDCO, Purok Lampirong, Brgy. 2, Bacolod City.
Ang biktima ang ginkilala lang kay Alyas Rigor, legal ang edad kag tumandok sang banwa sang Pulupandan, samtang ang mga suspek duha ka lalaki nga sakay sang motorsiklo.
Suno sa imbestigasyon sang Police Station 2, ang biktima nagalakat halin sa BREDCO pakadto sa direksyon sang San Juan St. kon diin ang mga suspek nagahulat didto kag hinali na lamang gintiro sang makapila ka beses ang biktima.
Pahayag pa sang pulis nga ang biktima may igo sa nagkalain lain nga bahin sang iya lawas nga amo ang gintunaan sang iya gilayon nga kamatayon samtang nagpalagyo naman ang mga suspek matapos ang krimen.
[image: image.png]
