Davao City – Naabtan na lamang sa igsoon nga si alyas Ethel, lumad, taga Poblacion Tiboli South Cotabato, ang iyang igsoon nga wala nay kinabuhi sulod sa usa ka La Anclar Hometel nga nahimutang sa dalang Bonifacio ning siyudad.
Nihangyo ang mga giinikanan sa maong 19 anyos nga lalaki nga dili lang ipa-ere ang pangalan sa biktima.
Sumala pa sa report, gi-adtoan ni alya Ethel iyang igsoon sa girentahang hotel alas 6:00 kagabii ug sa pagtoktok kaniya sa room 5, wala kini mitubag hinungdang nga nangayo siya og assistance sa mga staff sa nahisgutang hotel ug sa kapolisan sa San Pedro PNP.
Sa pag-abot sa mga responders, pugsanon nga gi-ablihan ang pultahan ug didto nakita nga naghigda na sa salog ang biktima nga nagsugod na og ka dugta.
Matud pa nga gibana-banaan nga kaniadto pang Miyerkules kun lima na ka adlaw nga patay ang maong biktima.
Sa pagsubay sa rescue 911, wala silay nakitang foul play samtang ang gamit sa biktima intact ug walay nawala.
Apan nakita sa mga responder nga dunay cellphone nga gibilin ang biktima nga dunay message recorder sa iyang pamilya nga padayun nga ginasuta ug dunay nahitabong depression ngadto sa biktima.
Gani buot unta sa mga kapolisan nga ipaagi sa otopsiya ang patay’ng lawas apan nibalibad na ang mga tag tungod.
Ginasuta pa sa mga kapolisan kun unsa bay hinungdan sa kamatayon 19 anyos nga lalaki ug ang maong patay’ng lawas gidala na sa Anghel Funeral Parlor.
RadyoMaN Paul Canono
