Nadakpan sa gipahigayong operasyon sa mga kapulisan ang usa ka lalaki nga wanted sa pagpayuhot sa illegal nga droga takna alas 4 sa hapon adtong milabayng Sabado didto sa Purok-1, Barangay Dalwangan, Malaybalay City, Bukidnon.
Giila ang suspetsado nga si Buenaventura Gumayagay Jr., 49 anyos, ulitawo, ug mulopyo sa Purok-3, Barangay Dalwangan, Malaybalay City.
Si Gumayagay ang gipasakaan og warrant of arrest sa paglapas sa RA 9165 o mas giila nga Comprehensive Dangerous Drugs Act of 2002 nga gi-issue ni Hon. Wilfredo G. Bibera Jr., Presiding Judge sa Regional Trial Court (RTC), 10th Judicial Region, Malaybalay City, pinistahan Disyembre 21, 2021 nga walay girekomendang piyansa alang sa temporaryong kagawasan.
Gibalhog na sa Malaybalay City Police Station ang suspetsado alang sa tokmang disposasyon.
Facebook Comments
