iFM Laoag – Sinelebraran ti Laoag City, Ilocos Norte iti maysa nga aktibidad a pinartisiparan dagiti grupo ti babbai idi Lunes, Nobiembre 25, 2019.
Naawagan daytoy iti tema nga 18-Day Campaign To End Violence Against Women wenno VAW free community starts with me, ditoy naduma duma dagiti actibidades ti naiyuswat kas kuma iti panagparada, zumba dance, panangdemonstrar ti Philippine National Police kadagiti self-defense, ken ti poster slogan.
Segun kenni Mr. Romar Piscante iti Communication and Media Office iti Laoag City Hall ti nadakamat nga actibidad ket inorganisar dagiti nagkooperar a kamkameng ti Zonta Club, maysa a grupo dagiti babbai iti siudad, iti local a gobierno iti siudad ken iti City Social Welfare and Development wenno CSWD.
Inatendaran pay dagiti nagduduma nga empleado, naduma duma a bumaranggay ken dagiti grupo ti babbai iti siudad ti Laoag.
Naigawad met ti pammigbig iti kadakkelan ti bilang a nakipagpartisipar iti Brgy. 39, Sta. Rosa idin to a nagun od met iti Brgy. 48A, Cabungaan North ti umuna a pwesto ti poster slogan a sinaruno ti Brgy. 51B Nangalisan West ken adda iti makatlo a pwesto ti Brgy. 16 San Jacinto.
Daytoy nga actibidad ket maselselebrar iti intero a pagilian iti las ud ti sangapulo ket walo nga aldaw a nairugi idi kalman Noviembre 25 agpatingganan Disiembre 12 ita a tawen 2019 kas maysa a kampanya a manglapped ken mangikonsiderar iti kababalin dagiti babbai iti intero a Pilipinas. (Joe Anne Agustin, RMN News)
