Davao City – Nagpadayon karon ang imbestigasyon labot sa pagpusil sa usa ka lalaking nagsakay og motorsiklo sa Purok Uraya, Tagum City, Davao del Norte, kagahapon sa buntag, September 9, 2019.
Sa interbyu sa DXDC RMN Davao Police Lt. Colonel Ariel Acala, Office in Charge sa Tagum City Police Office, giila niini ang biktima nga si Terencio Cañizares, hamtong ang pangidaron, usa ka company driver ug residente sa Pangantucan, Bukidnon.
Segun ni Acala nga ilaha pa usang tan-awon kung adunay gimontar nga CCTV sa lugar aron makit-an ang insidente.
Dugang niini nga dili pa masulti kung related sa investment schemes ang insidente samtang nagapadayon ang imbestigasyon.
“Dili siya related. Kuan man to, company driver. Kanang mga motor gani nga display or motor parts. Siya ang company driver,” saysay ni Acala
Gibutyag sa OIC sa Tagum PNP nga ikaduha kining insidente sa pagpamusil karong bulan sa Setyembre.
RadyoMaN Kirby Manzon
