TACLOBAN CITY – Makikita gud ha probinsya han Biliran an grabe nga destroso han bagyong Urduja partikular ha Naval.
Ha nagpapadayon nga retrieval operation, makikit-an an mga dagko nga sanga hin puno ngan mga bato tikang ha kabukiran durot han landslide.
Naretrieve tikang ha malapok nga tuna an usa nga bata nga waray na ulo, nagpapakita ini han grabe nga paglasurbo han bagyo ha komunidad.
Sumala kan Zoy Muralla, Naval Local Government Operations Officer, sobra na 20 an narecover ha Brgy. Lucsoon tikang pa dida han Dec. 17, an adlaw matapos han paglasurbo han bagyo.
Ginkilala an patay nga bata nga hi Jadine Novillo, 2 anyos, pinaka bata nga biktima han landslide.
Mga kapulisan, kasundaluhan ngan civilian volunteers an ngabulig-bulig nga ma-dig an area nga pati mga balay in nahilubong han landslide.
Sanglit sumala han Biliran Provincial Disaster Risk Reduction and Management Office o kun PDRRMO han Biliran, usa na ini ha mga leksyon nga kinahanglan mahibaruan han molupyo nga diri matagya han kalamidad sugad han bagyo.
