KABANKALAN CITY – Confined sa Holy Mother of Mercy Hospital (HMOM) sa syudad sang Kabankalan ang mga nagkalahulog sa suba las 6 sang aga matapos nga nabugto ang porsyon sang Camugao Suspension Bridge sang gindugok sang tawo ang fluvial parade may kaangtanan sa ulihi nga adlaw sang Sinulog de Kabankalan Festival.
Ang mga gindala sa ospital amu ang lima ka bulan nga lapsag nga babaye nga nakilala kay Meisha Grey Cardinal Tadlan, ara sa ICU nga residente sang Punta Rojas, Brgy. 6 Kabankalan City.
Si Baby Meisha ang narevive matapos nakit-an sang mga rescuers sa tubi upod man ang iban pa nga nagkalahulog, 20 ka tapak halin sa ibabaw.
Pila pa gid sa mga gindala sa amu nga ospital sanday Thomas Gavile, 57 anyos sang 26th Rojas Street., Brgy. 7, Kabankalan City; Faith Montes Hermo, 8 anyos sang Sitio Magtongtong, Brgy. Tampalon, Kabankalan City; Richard Yusalan, 44 anyos sang Purok Daisy, Barangay Tampalon, Kabankalan City; Chelsea Gamazon, 12 anyos sang Brgy. Aguisan, Himamaylan City; Jojie Ann Genon, 24 anyos sang Brgy. Aguisan Himamaylan City.
Confined naman sa Dr. Gumercindo Garcia Sr. Memorial Hospital sanday Chloe Joson, lima ka tuig sang Brgy. Camugao, Kabanklana City, Ella Camelote, 11 sang Brgy. Oringao, Kabankalan City; kag Crizza Joy Javellana, 29 anyos sang Brgy. 6, Kabankalan City.
Ginpasalig naman ni Mayor Pedro Zayco nga matagaan sang bulig ang mga biktima sang amu nga hitabo sa diin iya na ginmando ang pagpasira sang tulay para sa ‘safety’ sang publiko. /Rolly Gestupa photo
