Gibutyag ni Davao City Mayor Sara Duterte-Carpio (sa iyang official Facebook page), ang mga restaurants, bars, videokes, hotels, restaurants ug tanang establisyemento sa dakbayan, mamahimo na nga maka-serve og ilimnon subay sa Executive Order (EO) No. 5 Series of 2022 nga gipagula sa City Government of Davao.
“Ang atoang mga bars, videokes, hotels and restaurants, they are now allowed to serve liquor to the public. Mao na ni siya ang final step nato sa liquor ban nato,” butyag sa alkalde.
Samtang, magpabiling gidili ang pagbaligya, pag-serve ug pag-consume og ilimnon gikan ala 1:00 sa kadlawon hangtud alas 8:00 sa buntag. Ingon man, gidili gihapon ang pag-inom diha sa parks, roads, streets, alleys, pathways ug susamang lugar nga gipatuman sa wala pa ang pandemya.
Pahinumdom ni Duterte-Carpio ilabina niadtong high-risk ug dili bakunado batok Coronavirus Disease 2019 (COVID-19) nga likayan una ang pag-apil sa maong aktibidad diin dako sila og tyansa nga matakdan sa virus nga posibleng moresulta sa delikadong sitwasyon.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
