VICTORIAS CITY – Indi magpati nga mahimo ni Noven Belleza ang magpanghimulos. Ini ang kalabanan nga reaksyon sang mga himata kag kaabyanan sang Tawag ng Tanghalan Grand Champion nga si Belleza diri sa Victorias City, Negros Occidental angut sa kaso nga rape nga ginpasaka batuk sa iya sang isa ka 19-anyos nga dalaga sa Cebu City kahapon.
Sa interview sang DYHB, ginpahayag sang tiyo ni Noven nga isa ka barangay kagawad sa ila lugar sa Hachienda Salome, Brgy. 10 nga si Joseph Sanchez nga sa iya pagkakilala kay Noven isa ini ka mabuot nga tawo kag may yara sang nobya ukon ka live-in apang wala sya nakahibalo kon bala nagapadayon pa ang ila relasyon.
Suno naman sa sadto classmate ni Noven sa high school nga mabuot nga tawo ang singer kag wala sang hilig sa babayi gani indi mapatihan nga ini ang magahimo sang kaangay nga hilikuton.
Samtang, pahayag naman sang anay schoolmate ni Belleza nga indi man siya magpati sa akusasyon batuk kay Noven bangud nga sa iya pagkakilala diri, wala ini sang record nga pagpangbabayi.
