BACOLOD CITY – Gimandu-an sng Office of the Ombudsman Visayas si Bacolod City Mayor Evelio ‘Bing’ Leonardia kag iban pa nga mga akusado nga magfile sang ila counter-affidavit sa reklamo kriminal kag administratibo nga ginpasaka batuk sa ila.
Napulo ka adlaw ang ginhatag sang Ombudsman sa kampo ni Mayor Bing nga magfile counter-affidavit sa reklamo nga ginfile sang mga anay empleyado sang ciudad nga sanday Sarah Esguerra kag Othelo Ramos.
Ang reklamo may kaangtanan ini sa pagquestion sa P9.3 milyon pesos nga pundo nga gingamit sa regular operations projects sang syudad.
Nalakip sa reklamo amo sanday anay city accountant Eduardo Ravena, anay Vice Mayor kag karon Councilor Renecito Novero, lakip man si anay Vice Mayor Thaddy Sayson.
Lakip man sanday anay City Administrator Lorendo Dilag, anay Management Audit Service Office in-charge Ricardo Dahildahil kag anay Secretary to the Mayor Rogelio Balo./dyHB BACOLOD
