Pormal na inilunsad sa Alaminos City ang mga programang pangkabuhayan at adbokasiya para sa mga kasambahay at manggagawa sa informal sector, bilang bahagi ng mas pinalawak na inisyatiba ng lokal na pamahalaan na palakasin ang proteksiyon at suporta sa mga naturang sektor.
Isinagawa ang aktibidad sa pakikipagtulungan ng Department of Labor and Employment (DOLE) at ng Public Employment Service Office (PESO), kung saan tinalakay ang mga hakbang upang mapalakas ang kaalaman ng mga manggagawa sa kanilang mga karapatan sa ilalim ng batas, gayundin ang pagpapaigting ng kamalayan ng mga employer sa tamang pagtrato at ligtas na kondisyon sa trabaho.
Sa ilalim ng temang “Labor Day for Workers in the Informal Sector” at “Kasambahay Advocacy Program,” layunin ng inisyatiba na mapalawak ang access ng mga sektor na ito sa impormasyon, serbisyo, at mga programang makatutulong sa kanilang kabuhayan.
Kabilang din sa pokus ng programa ang pagsusulong ng mas ligtas at makataong kapaligiran sa paggawa, bilang bahagi ng mas malawak na layunin na isulong ang inklusibo at patas na pag-unlad sa lokal na antas. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
