![DOA](https://i0.wp.com/rmn.ph/wp-content/uploads/2017/06/DOA.jpg?resize=696%2C365&ssl=1)
Makaeo-eooy ro inabot it sangka lola matapos imaw nga mahueog patay sa ana nga gin sakyan nga topdown sa Barangay. Odiong, Altavas, Aklan.
Do biktima hay ging kilaea nga si Elseda Cortez 64-anyos it nasambit nga lugar.
Sa report it Altavas MPS, halin sa namatyan do biktima ag nagdesisyon daya nga mag uli para mag ilis ag kat pabalik eon imaw sa namatyan hay gin parahan imaw it topdown nga ana man nga kakilaea.
Gina sugid nga nagpungko do biktima sa likod it driver samtang buyot-buyot nana sa anang daywang ka alima do daywang sapad nga saging.
Suno sa report, uwa nagabuyot do biktima sa anang gina sakyan rason nga nahueog imaw ra samtang naga daeagan do topdown.
Tama sa ueo ro inangkon it biktima nga gin tinguhaan pa nga madaea sa ospital it Altavas pero gin deklara man nga dead on arrival.
Uwa eon man nagpasaka it kaso ro pamilya ko biktima kontra sa driver it topdown nga ana nga gin sakyan dahil sa aksidente eamang ro natabo.
Photo (c) web