Altavas, Aklan — Uwa eon makaabot nga buhi sa Aklan Provincial Hospital rong sangka 60-anyos nga lola mataos nga sunggaban it van sa may Brgy. Cabangila, Altavas, Aklan.
Ro biktima nakilaea kay Adelaida Ordonia y Silvestre ag residente man it nasambit nga lugar ag nakaangkon it fatal nga lastro.
Suno kay PO1 Martisano it Altavas MPS, nga kahapon it mga 3:30 natabo rong aksidente samtang naga tabok sa pedestrian lane rong biktima hay sinunggaban it van nga gina maneho ni Joven Pondedo, 44-anyos ag residente it Matinabos, Sigma, Capiz.
Insigida man nga nagsurender rong driver it van sa Kalibo MPS, pinaagi sa operator it van nga si Reymer Tan Villahermosa.
Gin turn-over man dayon sa Altavas MPS si Pondedo ag ginahueat pa rong disisyon it pamilya ko biktima kon imaw paga pasakaan it kaso.
