Lolo patay matapos sunggaban it truck samtang nagabisekleta

13

Banga, Aklan – Uwa eon makaabot nga buhi pa rong sangka lolo matapos nga sunggaban it truck samtang nagabisekleta sa national highway kung Brgy. Tabayon, Banga, Aklan.
Nakilaea rong biktima kay Condrado Ausan Tapic, 60-anyos ag residente it Sitio Tabiling, Brgy. Mataphao, New Washington.
Sa imbestigasyon it Banga PNP naga guwa nga halin sa andang baeay ro biktima ag naga bisekleta paadto it Pobacion, Banga para kunta magbayad it bill sa kuryente apang pag-abot na sa highway it Tabayon hay aksidente ra imaw nga hasunggaban it truck nga ginamaneho ni Rodolfo Molina Pacenio Jr., 39-anyos ag taga Sitio Sta. Cruz, Antipolo City.
Naka preno pa rong truck paero nahaabot gihapon ro biktima ag tumumba sa karsada nga tumama ro anang ueo sa semento nga nakaangkon it grabeng lastro.
Halin sa syudad it Iloilo rong truck ag nagapaadto kunta sa Brgy. Caticlan tag matabo rong aksidente.
Insigida nga gindaea sa Aklan Provincial Hospital rong biktima pero gindeklara raya nga dead on arrival ko anang attending physician.
Samtang bulontaryo mat-a nga nagsurender sa mga kapulisan rong driver it truck ag una eon makaron sa andang paghinakop para man sa nagakaigo nga disposisyon.

Facebook Comments

From Advertisers