Nakaangkon nan mga samad sanan bun-og sa.lawas an upat ka pasahero na sakay sa isa ka pampasaheroang van gikan sa Tandag SDS pasingod unta dri sa Surigao City kagaina sa alas 7:17 sa buntag human na aksidente ini nahuyog isab sa drainage canal tungod kay nawad an nan kontrol isab an driver na si James Bolyanday na taga Tandag City. Ini nahitabo sa kurbadahon na dayan o highway sa Purok Avocado , Brgy Quezon Surigao City.Tagdaya isab dajon pagdali sa ospital an mga nabun-og na mga pasahero sanan jaun na sa luwas na kahimtang. Kon kahinumdoman na kagahapon isab sa hapon didto gihapon mahitabo an pagkadisgrasya sa isa ka awto na unang gikareport sa RMN Surigao na brgy. Bonifacio an nahitaboan diin gikamatay sa isa ka trabahante na naglimpyo sa kilid nan highway drainage .(RadyoMaN Jerson Fuentes)
