Kadungan sang Women’s Month celebration subong nga Marso, gin-anunsyo sang Philippine Army ang appointment sang labing-una nga female brigade commander sang Philippine Army nga si Col. Joselyn Bandarlipe.
Ginpahayag ni Lt. Col. Ramon Zagala, Army spokesman kag public affairs office chief, gin-aprubahan ni Presidente Rodrigo Duterte ang designation si Col. Bandarlipe bilang commander sang 53rd Engineering Brigade sa Lapu-Lapu, Cebu City.
Suno kay Zagala, si Col. Bandarlipe isa ka engineer kag isa sa 819 women officers kag 3,400 ka enlisted women personnel sang 97,000-strong Philippine Army.
“They (women) are an integral part of the Philippine Army, they have a role to play. Colonel Bandarlipe will now command the engineers, she has a role to play – to dig wells, to build communities,” ang pahayag ni Zagala.
Ginhatagan pagtamod ni Zagala nga sadto ang mga kababaihan ginhatagan sang kinamatarong nga magserbisyo sa Philippine Amry tubtob sa reserve ranks kag technical services gid lamang bilang kabahin sang Women’s Auxiliary Corps.
Sang 1993, ang mga kababaihan ginhatagan snag kinamatarong nga maghanas bilang combat soldiers sa Philippine military sang ginpasar ang Republic Act 7192 ukon ang Women in Development and Nation Building Act.
Ang RA 7192 naghatag sang kinamatarong sa mga kababaihan nga mangin kadete sang Philippine Military Academy (PMA).
Ginpahayag man ni Zagala nga sang 2011, si Brig. Gen Ramona Palabrica-Go sang San Enrique, Iloilo ang pinaka-una nga female general sa Army sa diin nagserbe ini bilang assistant deputy chief of staff for personnel antes nagretiro sa military service.
Photo from web// via PhilStar
