Davao City – Tulo ang deklaradong patay human nagkarambola ang tulo ka mga sakyanan nahitabo alas- 8:00 sa buntag sa Hijo, Maco, Compostella Valley Province.
Sa interbyu sa RMN Davao kang P/Capt. Woody Sabdani sa Maco Municipal Police Station, gikalambigitan kini sa Toyota Innova, Navarra, ug usa ka multicab nga hilabihang nalangkat ang atubangan nga bahin niini.
Gikumpirma niini nga dead on the spot ang driver sa multicab ug laing duha pa kinsa padayong ginaila apan hilabihang naangol usab ang 1 ka babaye nga sakay sa front seat niini kinsa gidala kauban ang uban pang mga angol sa balay-tambalanan.
Gibana-banaang anaa sa napulo ka mga pasahero ang sakay sa maong multicab.
Nagpadayon pa sa pag-imbestiga ang kapulisan labot sa maong aksidente.
RadyoMaN Jason Amisola
