Roxas City, Capiz – Natalana na nga pagapasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang 21 anyos nga soltero matapos madakpan sa isa ka drug buy bust operation sang nagligad nga adlaw, Hunyo 21, 1:30 ang takna sang kaagahon.
Ginkilala ang suspek kay Niño Jaime Arce Cataluña, wala sang trabaho kag residente sang Barangay Tiza, Roxas City. Nakuha sa mga kamot ni Cataluña ang tatlo ka sachets sang suspected shabu kaG marked money nga isa ka libo ka pesos.
Nahibaluan nga isa ka newly identified nga street level drug personality ang nasambit nga suspek. Ang nasambit nga buy bust operation ang ginpatigayon sang mga katapo sang Provincial Drug Enforcement Unit (PDEU) sang Capiz Police Provincial Office sa pagpanguna ni si Senior Inspector Hilbert Gervero bilang team leader.
