Sugdan na sa Cagayan de Oro City Local Environment and Natural Resources Office o CLENRO ang pagpahamtang og silot sa mga makalapas sa ordinansa sa syudad nga Integrated Ecological Solid Waste Management of Cagayan de Oro.
Kini aron mapalig-on ang kampanya sa Plastic Sando Bag Regulation nga gisugdan niadtong Enero uno ning tuiga.
Matud ni Engr. Armen Cuenca nga mahuman na sa City Legal Office ang pagplastar sa Temporary Ordinance Violation Receipt alang sa plastic bag regulation.
Gibutyag ni Cuenca nga dunay pipila ka mga establisemento ning syudad ang nakalapas sa maong ordinansa.
Sa karon padayon ang monitoring sa eco-brigade sa CLENRO.
Nasayran nga tres mil pesos ang multa sa matag sando bag nga ihatag sa mga establisemento, tindahan ug kamerkaduhan ning syudad.
