Boracay, Island – Arestado rong sangka eaeaki nga nagtakaw it wallet sa isla it Boracay.
Nakilaea rong suspek nga si Marvin Reyes, 29-anyos, residente it Agcawilan, Lezo ag presente nga naga istar sa Sitio Bantud, Manocmanoc.
Natigayon nga maaresto si Reyes matapos ro ginpatigayon nga hot pursuit operation it Malay PNP kabii. Narecover kay Reyes rong itom nga wallet nga may sueod nga P 19,000.00, Ids, ATM Cards ag iba pang importanteng dokumento.
Nauna eon nga nadakpan ag ginkasuhan si Reyes sa kapareho mang kaso pero naka guwa raya matapos nga mag piyansa.
Sa makaron hay kulong si Reyes sa lock up cell it Malay PNP ag nakataeana eoman nga pagapasakaan it kaso.
Facebook Comments
