Malinao, Aklan – Baril ag mga bala rong nabuoe it mga kapulisan sa baeay it sangka mangunguma matapos nga serbehan it search warrant kainang agahon sa Brgy. Rosario, Malinao, Aklan.
Subject it nasambit nga search warrant rong baeay ni Paquito Yeban, 38-anyos ag residente it nasambit nga lugar.
Suno kay PCInsp. Bernard Ufano it Provincial Intelligence Branch (PIB) nga na materialize rong pag serbe it search warrant sa baeay it subject matapos nga may mga reklamo kuntra kana angot sa pagpina eopok it baril.
Dugang pa gid nga 2008 pa rong ulihi nana nga pag renew ko anang 12 gauge shot gun ag hasta sa makaron hay uwa eon dayon ma renew.
May mga kaso man raya nga ginakaimbolbaran kapareho kung shooting incident sa Brgy. Badiangan, Banga ko mga 2012, pag-eabo sa sangka meyembro it Brgy. Tanaod kung Rosario, pagpaeopok it baril sa plaza it Malinao ko 2010 during ko ati-atihan.
Pinaagi ku gintingub nga pwersa it Malinao MPS ag Provincial Intelligence Branch gin search ro baeay ni Yeban ag nabuoe sa sueog it anang kwarto sa dura box ro mga masunod: sangka 357 nga baril loaded it 4 ka bala, 2 bilog nga bala it 12 gauge shot gun, 3 ka bala it cal. 45, 4 bilog pa gid nga bala it 357 ag 1 bala it cal. 44 magnum.
Uwa man it natabong resistance sa suspek sa pag serbe it search warrant ag pag aresto kana.
Magapangatubang ra imaw it kasong pagbayolar sa R.A. 10591 ukon Comprehensive Law on Firearms and Ammunition.
