Masobra 20 mil pa ka beneficiaries sa second tranche sang Social Amelioration Program (SAP) sa ciudad sang Bacolod ang wala nakabaton sang ila ayuda.
Sa interview sang DYHB kay DSSD Head Pacita Tero, ginpahayag sini nga wala pa nahibaluan kun san-o mabaton sang masobra 20 mil ka beneficiaries ang nabilin nila nga P6,000.
Nahibaluan nga sa una nga tranche sang SAP may yara sang 98,143 beneficiaries sa Bacolod kag sa second tranche, 75,962 pa lang ang nakabaton na sang ila ayuda. Suno kay Tero, ang 75,962 amo ang first batch sa second tranche nga nakauna man upload sang ila data sa system sang DSWD.
Sa karun, indi pa mahambal ni Tero kun san-o mapanghatag ang para sa nabilin nga masobra pa 20 mil beneficiaries.
Samtang natapos naman ang distribution sang P12,000 para sa mga left outs apang may yara sang 500 nga wala nakakuha bangud may yara sang na-disqualify kag iban sa mga ini ang wala na sa Bacolod.
Sa pihak nga bahin, gin-anunsiyo ni Tero nga may yara sila sang skeletal force sa Maskara Office malapit sa BAYS Center para sa mga may kinahanglan iproseso sa DSSD.
Nahibaluan nga naka-lockdown subong ang New Government Center para sa disinfection kag magabukas ini sa Lunes.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
