Magapatigayon sang auction sale ang Land Transportation Office ukon LTO 12 sa mga motorsiklo kag mga 4 wheel vehicles nga nakaimpound sa subong sa ila nga impounding facility sa bug-os nga rehiyon.
Suno kay LTO 12 Assistant Regional Director Robert Kuinisala nagalab-ot sa masobra 500 ka mga salakyan ang ibaligya sa mga interesado nga magbakal nga nakabase suno pa sa Presidential Decree 1729.
Ginkumpirmar man ni Kuinisala nga ang mga i-auction nga mga salakyan ang ginalakipan sang motorsiklo, taxi, van nga nadakpan nila tubtob Disyembre 30, 2018.
Samtang, agud maimpormar ang mga tag-iya sang salakyan may-yara sang publication nga nag-umpisa sang Hunyo 4-24 subong nga tuig kag ginpadal-an man sang sulat ang mga nagapanag-iya agud nga kuhaon ang mga naimpound nga motorsiklo paagi sa pagbayad sang penalties.
May-angot sini, bukas na sang Hunyo 15 tubtob 10, 2019 ang viewing sa mga unit basta magkuha lang sang permiso sa ila nga opisina ang mga interesado magbid.
Ipatigayon naman ang auction sale sa Hulyo 10-11, 2019, alas 9 sang aga sa Regional office sa Koronadal sa 246 units nga halin sa Polomolok, Surallah, Cotabato, kabacan, Midsayap kag Kidapawan.
Sa Hulyo17-18 naman alas 9 sang aga sa LTO GenSan District Office ang pag-auction sa 258 ka units nga nadakpan sa Gensan kag Sanraggani Province.
Ginpahayag man ni Kuinisala nga magadepende sa penalty kag kalidad sang salakyan ang mangin presyo sini matapos nga may-yara naman sila sang price ceiling nga aprobado sang Commission on Audit.
Ginhatagan punto ni Kuinisala nga pwede i-auction sang LTO ang mga sasakyan kon wala nabayran sang tag-iya ang mga penalties sa sulod sang 6 ka bulan umpisa sa adlaw nga nadakpan ang ila nga motorsiklo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
