KALIBO, AKLAN — Arestado ro sangka matansero sa gin patigayon nga buy bust operation ko mga katapo it Nabas PNP sa Poblacion Nabas.
Ro suspect nakilaea kay Ryan Ombao, 22-anyos ag residente it Barangay Buenavista Nabas Aklan.
Nabuoe sa anang posisyon ro sangka sachet it suspected shabu ag buy-bust money nga 500 pesos samtang sa ginpatigayon pa gid nga body search nabuoe ro daywa ka mga sachet it ginapatihan shabu it mga kapulisan.
Ginpatigayon ro nasambit nga buy-bust sa mismong slaughter house nga ginatrabahohan it suspek sa Poblacion, Nabas.
Mabuhay man eon nga gina bantayan it kapulisan ro suspect matapos nga naga baligya it shabu sa mga estudyante sa banwa it Nabas.
Nakataeana man nga paga pasakaan it kasong pagbayolar sa RA 9165 si Ombao.
