Davao City – Padayon karong gi-isolate ang mga estudyante ug teaching personnel sa Matiao National High School sa Mati City, Davao Oriental human gi-lockdown ang eskwelahan tungod sa natalang kaso sa Coronavirus Disease 2019 (COVID-19).
Sa interbyu sa DXDC RMN Davao kang Ben Tesiorna, Mati City Information Officer, gisulti niini nga gina-monitor karon sa Incident Management Team (IMT) ug sa Department of Education (DepEd) ang nahisgutan. Hinuon, mild lamang ang simtomas sa COVID-19 sa duha ka estudyante nga nagpositibo sa antigen test.
“Gina-monitor sila. So, after several days and pag-once ma-declare na sila nga walay COVID, pwede na sila pabalikon sa school,” matud ni Tesiorna.
Matud sa Local Government Unit (LGU) Mati official nga samtang naka-quarantine pa ang mga estudyante, modular una ang ilang sistema sa pagtuon aron padayon gihapon ang edukasyon samtang wala pa sila nakabalik alang sa in-person learning.
RadyoMaN Kirby Manzon
Facebook Comments
