Davao City – Hugot nga security measures ang ipatuman sa kapulisan sa San Pedro alang sa Pag-abli sa Pasko Fiesta sa Davao sugod karong adlawa Nobyembre 28, 2023 sa Rizal Park, dakbayan sa Davao.
Sa pakighinabi sa DXDC RMN Davao kang Police Major Marvin Hugos, Station Commander sa San Pedro Police Station gibutyag niini, maximum deployment ang ipatuman sa San Pedro Police Station alang sa pagbantay sa mga aktibidad sugod karong adlawa.
Segun ni Hugos, usa sa aktibidad nga bantayan sa kapulisan karong hapon, mao ang Dan-ag Davao ug Pag-abli sa Pasko sa maong lugar.
Dugang ni Hugos, magtinabangay sa pagbantay ang mga personahe sa security forces, kapulisan, Task Force Davao ug mga personnel gikan sa Safety and Security Clusters.
Gipasabot sa opisyal, pakusgan usab ang pagpatuman sa police visibility ug pagpatrolya sa ilang area of responsibility (AOR) alang sa hapsay ug magmalinawon ang maong selebrasyon.
RadyoMaN Don Pulayao
Facebook Comments
