Nagpangayo na sang bulig si Bacolod City Mayor Evelio Leonardia kay Pangulong Rodrigo Duterte nga magpadala sang dugang nga medical personnel para matutukan ang upang sa health care system sang ciudad bangud sa COVID-19 pandemic.
Sa sulat sang alkalde nga napetsahan Agosto 25, 2020, nag-ayo si Leonardia sang mga masunod base man sa pagtuon sang City Health Office:
• Dugang nga 150 ka mga nurse nga i-assign sa mga ospital kag health facilities
• 20 ka mga doktor nga magabulig sa mga ospital, magapatigayon sang field work sa mga barangay health centers para magtatap sang mga mild cases sa barangay
• Dugang nga 30 ka mga medical technologists para magpatigayon sang swabbing sa COVID-19 suspects kag probable patients.
Pila sa mga rason sa pagpangayo sang bulig ni Leonardia sa presidente amo nga puno na ang 149 ka COVID beds sa pito ka mga ospital sa syudad subong man ang pagpositibo, pagpaidalum sa quarantine kag pag-resign sa trabaho sang mga medical staff ukon health workers.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
