Yours Truly iFM August 25, 2020 Tuesday

23

*Yours Truly iFM*
*August 25, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,


Maayong hapon mga idol! Kabay pa nga mabasahan niyo ang sulat ko nga ini.

Dugay ko na tani gusto magpadala sang sulat sa inyo pero nahuya ako mga idol.

Tagu-a niyo lang gali ako sa pangalan nga Lanie, 30 years old, married kag may duha ka mga kabataan.

Ang problema ko mga idol parte sa akon bana. Isa siya ka army kag didto siya na-assign sa Mindanao.




Mga almost one year na nga wala siya nakapauli diri sa Iloilo tungod sang COVID-19 pandemic.

Nabudlayan ako sang amon sitwasyon tungod nagalayuanay kami. Pero ginakaya ko ang tanan para sa amon mga kabataan.

Tungod sa indi consistent ang iya padala sang sustento, napilitan ako manawag sa iya.

Kag ginkakibot ko gid mga idol kay babaye ang nakasabat sang iya cellphone kag ginbuyayaw niya ako kag nagpakilala siya nga girlfriend sang akon bana.

Nag-inaway kami mga idol kag ginkompronta ko ang akon bana. Gin-ako niya nga may relasyon sila sang babaye kag nagalive-in na kuno sila.

Ginprangka man ako sang akon bana nga indi na kuno siya magbalik sa akon.

Pirti gid kasakit sang ginhimo nila sa akon mga idol. Ang ginasakitan pa gid sang buot ko kay halos indi ko mahatag ang mga kinahanglanon sang amon mga kabataan tungod gahulat man lang ako sang padala sang akon bana.

Ma-puwersa ko bala ang akon bana nga maghatag sang sustento? Ano ang maayo ko nga himuon mga idol?

Kinahanglan ko gid ang inyo advice.

Yours Truly,

Lanie

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments