MAYOR GUIA PLAZA-SABANAL NAN SAN FRANCISCO, SURIGAO DEL NORTE NAGPASALAMAT KAN MAYOR TOMAS OSMENA NAN CEBU CITY SA DESISYON SA PAGPADAJON SA DONASYON NA P2 MIYONES
Sumaya pa sa Mayor, sa ngayan sa mga katawhan sa San Francisco, sija nagpasalamat kan Mayor Osmena lakip isab sa mga mitabang pareho sa ila ni Nigel Banacia ug Atty. Miriam Fernandez-Escobar para sa pagpasabot sa ila sitwasyon. An taghimo na lakang nan Mayor sa Cebu isa ka matud pa “Generous Donation” ug tagtamod nila an konsiderasyon na taghatag ngadto sa ila lungsod.
Tagtudlo pa ni Mayor Sabanal, bisan kon adto sija sa pagtambaong sa isa ka Conference sa Bangkok, Thailand, sige sija nagmonitor sa mga pronouncements ni Mayor Osmena sa Cebu. Gani an amo na kantidad an dako an mahitabang para sa ila plano sa pagpalit nan Ambulancia na isa sa kinahanglanon sa San Francisco.
.
