Davao City- Mibisita sa lamay ni PO3 Wilfredo Garol sa Angel Funeral Homes, Calinan, ning dakbayan si Davao City Mayor Inday Sarah Duterte-Carpio kaganinang hapon.
Gipaabot sa Mayor ang iyang kinasing kasing nga pahasubo ngadto sa byuda ni PO3 Garol ug sa tibuok pamilya niini.
Ayha pa niadto ang Mayor sa haya sa maong pulis, una na niyang gipaabot ang iyang pahasubo gikan sa iya ug sa City Government of Davao.
Hinaut sa Mayor nga dunay progress sa gihimong imbestigasyon sa kapulisan sa pag-ambush patay sa pulis.
Kahinumduman nga bandang alas 7:45 sa buntag kaniaydong adlawng lunes, gi-ambush- patay ang biktima sa purok 5, Sitio Luman, Brgy. New Valencia, Tugbok District samtang pauli gikan naghatod sa iyang asawa sa eskwelahan.
Sa pikas bahin, gikumpirma ni Police Regional Office (PRO) XI Regional Director Police Chief Supt. Manuel Gaerlan nga usa ka miyembro sa New People’s Army kun NPA ang responsable sa pagpatay kag PO3 Garol.
Kini ang gisulti ni Gaerlan atol sa change of command ceremony nahitabo sa Naval Station Felix Apolinario Camp Panacan ning syudad.
Padayon pa ang gihapon ang ginahimong imbestigasyon sa kapulisan.
Dugang niini, gipangandaman usab karon sa kapulisan ug kasundaluhan ang posibleng ipahigayon nga tactical offensive sa mga rebelde nga himuon sa NPA atol sa ilang anibersaryo sunod bulan.
RadyoMaN Renz Barbarona
