> JUST IN! Mayor Ernesto Matugas tagpatawag an tigom sa paghimo nan temporaryo ug dinalian na mga lakang para mapasug-an an mga nag-unang dayan sa Surigao City. Tagtudlo sa Mayor, kinahanglan na tanan paagi an himoon para mapasug-an na an kilid nan dayan bisan kon an gobyerno sa siyudad an mogastos. Ini samtang nagpaabot sa pag-aksiyon sa National Road Board sa problema sa Strretlights. Tagpadayag na mando an koordinasyon na himoon tali sa kadagkuan sa Gen. Services Office, Dept. Of Public Works and Highways ug SDN Electric Cooperative (SURNECO) para mapadali an pagpasiga sa mga streetlights. Kon kahinumduman, una na tagpaabot an sugyot nan Supervising Tourism Officer Roselin Merlin sa pagpasiga nan streetlights labi na sa maarang na mga bisita na modagsang sugod Marso hangtud Hulyo sa sunod-sunod na dagko na events ug conventions na himoon sa Surigao City. > > > > >
