Ginkumpirmar sa DYHB ni Victorias City Mayor Francis Frederick “Wantan” Palanca nga ginapangayo sini ang pahanugot sang ila Sangguniang Panlungsod agud ma-withdraw ang P100 million nga savings agud ibulig sa pagpatukod sang ila bag-o nga government center.
Sa interview sang DYHB kay Mayor Palanca, ginpahayag sini nga kun siya lang ang masunod, luyag na niya nga masuguran ang pagtukod sang new government center sa ginbakal nila nga duta sa Brgy. 13, kasunod man sang mga pagkwestyon nga pila na ini katuig nga natengga.
Ini ang kasunod sang pag-utang sang Victorias City sang P487 million sa Development Bank of the Philippines sadto pang 2014, santo sa pagtadlong ni Mayor Palanca sa nauna nga report nga 2016, para sa pagbakal sang duta, pagpatukod sang government kag development sini.
Ang P487 million ang ginbuhinan na sang ginbakal sang duta nga nagalapad sang masobra 21 hectares sa balor nga P136 million. Diri man gin-athag ni Mayor Palanca nga nabakal lamang sa P650 per square meter ang 21 hectares kag indi tag-P6,500.
Three-storey new government center ang ginaplano ni Mayor Palanca nga ipatukod sa diin ipaagi sa design and build scheme antis pa man magtapos ang iya nga termino sa 2022, sa diin ang furnishing sang building ang itugyan na niya sa mabulos sa iya sa pwesto.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
