REGISTRATION SA LTO, EXTENDED HANGTUD JULY 10 PARA SA MGA NAUNANG NA-EXPIRE NGA NAABTAN SA COVID-19

79

General Santos City–Giklaro ni LTO-12 Regional Director Macario Gonzaga nga molungtad pa hangtud sa July 10 ang extension sa pagparehistro sa mga sakyanan nga naabtan sa pagsirado niadtong Marso 16 tungod sa covid-19.


Sumala niya nga tanang requirements nga nakuha ayha nagsirado ang buhatan sa LTO sulod sa duha ka bulan ang pabiling valid hangtud sa Hulyo 10 ug lakip sa mga gitanggal mao ang mga multa.

Saysay niya nga bisan ug na-expire na ang rehistro niadtong bulan sa Marso, mamahimo higapon kining magamit hangtud sa Hulyo 10 ug walay rason aron nga dakpon sa mga checkpoint gawas nalang kung aduna pay laing bayolasyon.

Samtang sa hisgutanang private emission test center kon PETC, giklaro ni Director Gonzaga nga dili na kini ilawom sa LTO kundili anaa na kini sa control sa department of transportation kon DOTr.

Pagpaklaro niya nga dili lang ang Gensan ang adunay problema sa kulang nga ihap sa PETC kundili bisan ang tibuok nasud.

Sa karon, gikan sa 15 nga PETC sa Gensan, aduna nalang lima nga abli gumikan ang napulo ang gipasirad-an na sa DOTr tungod sa mga bayolasyon.

Sa tibuok Rehiyon 12, gikan sa 65 nga mga PETC, anaa nalang sa 32 ang nagaoperate. Pag-angkon niya nga subay sa pamahayag sa mga PETC owner fully book na sila hangtud sa Hulyo 10 gumikan sa kadaghan sa mga sakyanan nga kinahanglang i-rehistro.(LVR)




Facebook Comments