General Santos City— Giangkon ni Gensan City Mayor Ronnel Rivera nga iyaha ng na-background check ang ubang pangalan nga gihatag kaniya aron nga pilian sa mga mahimong permanenteng City Director sa Gensan City Police Office.
Apan iyahang gibutyag nga iyaha gyud nga pilion mao ang opisyal nga adunay igong kasayuran sa dakbayan ug mas dako ang bentaha kung taga-gensan lang usab ang mulingkod.
Sa karon matud pa, anaa na sa 95 porsyento nga siya nga kumbinsido nga si Police Senior Superintendent Romeo Ruel Berango na ang iyahang ibutang isip labaw sa kapulisan sa dakbayan.
Dugang pamahayag ni Mayaor Rivera nga nahuman na ang election ug dili na kinahanglan pa nga lalisan sa mga opisyal kung si kinsa ang ibutang nga labaw sa kapulisan.
Gumikan, labing mahinungdanon mao ang kahapsay ug ang kalinaw sa dakbayan alang sa katawhan. Dako man usab ang iyahang panghinaut nga makit-an usab sa mga konsehal ang pagpaningkamot ni Col. Berango nga mahatag ang kalinaw ug kahapsay nga ginapangayo sa mga opisyal luyo pa man sa mga kakulian nga nahitabo ug mga pagbatikos batok kaniya.
