*General Santos City— Kumbinsido si Gensan City Mayor Ronnel Rivera nga epektibo ang kampanya batok illegal nga droga sa gobyerno sa pagpanguna sa PDEA ug kapulisan.*
*Sumala niya nga base sa datus, mitaas ang presyo sa illegal nga droga sa dakbayan ug sa tibuok rehiyon, kini nagpasabot nga migamay ang suplay.*
*Apan gipaklaro ni Mayor Rivera nga dili matud pa muundang ang lokal nga panggamhanan sa pagbatok sa illegal nga droga ug dili sila mu-kumpyansa.*
*Pag-angkon ni Mayor Rivera nga wala pa gyud hingpit nga nawala ang illegal nga droga sa dakbayan gumikan duna pa may madakpan sa ginahimong operasyon.*
*Sumala niya nga higayon nga adunay kwarta ang mga sindikato., aduna gihapoy makasulod nga droga ug kung nagpabiling kabus ang katawhan, dili gyud malikayan nga adunay musugal sa pagbaligya ug droga.*
*Apan iyahang gilauman nga kung magpadayon ang maong kampanya ug suportahan sa atawhan, dako ang iyahang agtuo nga sa dili madugay hingpit ng mawala ang illegal nga droga sa nasud.*
