Davao City – Giagi sa usa ka papremyo’g kalingawan ni Davao City Mayor Sara Duterte ang iyahang hagit sa mga Davaoeños diha sa pagkumbati sa syudad sa kaso sa coronavirus.
Sumala sa Mayor ang pinakaubos ang kaso sa COVID-19 sa 6 ka clusters sa syudad iyaha kining librehon og chickenjoy.
“Katong Cluster nga pinakagamay og kaso sa COVID-19 by May 31 librehon ta mo’g 10,000 Jollibee chickenjoy. First come, first served ni siya,” matud niini.
As of April 22, Miyerkules ang kaso sa COVID-19 sa Cluster 1 – 43, Cluster 2 – 6, Cluster 3 – 23, Cluster 4 – 6, Cluster 5 – 3, Cluster 6 – 3 samtang Paquibato “wildcard district” adunay usa ka kaso.
Matud sa mayot nga ang cluster 1 ug 3 gikahanglan nga ilahang paniguraduhon nga dili musaka pa ang ilahang mga ihap sa kaso aron makadaog kini’g ka 1 liter nga Coke.
“Kaning sa mga Talomo ug Buhangin Districts, murag dili naman jud mo makadaog, ang challenge na lang sa inyo, ayaw na lang dungagi ang positive cases, naa moy premyo gihapon na 10,000 bottles of 1 liter Coke,” matud sa mayor.
Nahimong tambayanan ug kalingawan karon sa mga Davaoeños ang facebook group page nga Davao Cluster War (Tambal Kamingaw) tungod sa mga pasiaw nga mga posts ug mga pa-kontest.
Ang maong page adunay nay sobra sa 100,000 ka mga membro.
RadyoMaN Aimee Guinita
