Mayor Sara ‘on leave’ alang sa personal health management

16

Davao City – Temporaryong muhulip Si Davao City Vice Mayor Sebastian ‘Baste’ Duterte isip Mayor sa Davao City samtang on leave si Davao City Mayor Sara Duterte-Carpio gikan Abril 6 hangtud 10, 2021.

Alas-9 sa buntag kagahapong adlawa (Abril 6, 2021) sa dihang miabot ang Alkalde sa Ninoy Aquino International Airport (NAIA) Terminal 2 gikan Davao ug mibiyahe kini pa-Singapore pasado alas 2:00 sa hapon uban ang usa ka anak niini, usa ka maid ug usa ka membro sa Presidential Security Group (PSG).


Nasayran nga rason sa maong biyahe mao ang personal health management subay usab sa gipagawas nga official statement sa Mayor pinaagi sa City Information Office (CIO).

Gikanayon sa mayora nga nagbaton kini travel authority gikan sa Department of Interior and Local Government (DILG) alang sa iyang biyahe.

Dugang ni Duterte-Carpio nga pagbalik niini sa Davao City mopailawom kini sa RT-PCR (Reverse Transcription Polymerase Chain Reaction) testing ingon man 14-day quarantine.

“I am on leave from April 6-10, 2021. I have a travel authority to Singapore from the DILG. The reason is personal health management. All protocols for return to Davao City including RT-PCR testing and 14-day quarantine have all been pre-arranged. Thank you,” pamahayag sa Alkalde.



Kahinumduman nga niadtong September 28 hangtud October 5, 2020 sa dihang nag-leave usab ang Mayor sa susamang rason.


RadyoMaN Kirby Manzon

Facebook Comments