Menor de edad naligsan sa Lungsod sa Tambulig, Patay

19

Tambulig, Zamboanga del Sur – Patay ang usa ka menor de edad human naligsan sa naghaguros nga sakyanan alas 4:30 kagahapon sa hapon didtong dapita sa National highway of Purok 5, Brgy. Lower Lodiong, Tambulig, Zamboanga Del Sur.
Sa inisyal nga imbestigayon nasayran nga samtang nagdagan ang Toyota Vios color gray, nga nagtangag sa plaka YDE-836, gimaniho ni Stephen Neil Sañol, 49 anyos, Branch manager sa Philippine Publishing House ug residente sa Purok 4, Barangay Bagong Tago, Balencia City, Bukidnon, aksidenteng naligsan niini ang biktima nga si Jhon Cuajotor, 15 anyos ug Grade 9 student sa Tambulig National High school.
Nasaran RMN Newsteam nga nagdagan ang Toyota Vios gikan sa lungsod sa Molave apan pag-abot sa maong dapit kalit nga nitabok sa kalasada ang biktima rason nga naligsan kini ug gumikan sa kakusog sa impact nabanda pa sa nakaparada nga motorsiklo daplin sa kalsada.
Daling gidala sa Macamay Hospital sa Happy Valley ang bata apan wala maka-antos sa samad sa iyang lawas og gibawian sa hinulaman nga kinabuhi pipila ka oras ang nilabay.
Gikustodiya sa Tambulig Municipal Police Station ang driver sa sakyanan nga nakaligis.

Facebook Comments