Davao City – Patay ang usa ka laborer samtang usa ang angol human giluba sa kalalis alas 9 ang takna sa gabie dinhi sa Prk.6 Barangay Mainit Nabunturan Compostela Valley kgahapong adlawa.
Biktima nga namatay giila sa pangalang alyas Mark, residente sa nahisgutang lugar samtang ang naangol giila sa pangalang si Domingo Gabinis, 30 anyos ang pangidaron samtang ang suspek nailhan sa pangalang si Julius Constantino, 29 anyos nga residente sa sumamang lugar.
Sumala sa report sa Nabunturan Police Station nasayran nga nag inom ang biktima ug suspek kauban ang ilang mga higala atol sa birthday party apan nagkalalis sa wala masayring hinungdan nga kalit giluba sa suspek mga biktima.
Gidali pagdala ang mga samaron sa Cabrera Hospital apan gideklarang dead on arival sa mga mananambal si Mark samtang si Gabinis gidala sa Davao Regional Medical Center sa syudad sa Tagum.
Ang suspek abtik misibat palayo sa nahisgutang lugar samtang ang patayng lawas sa biktima gihaya na sa St.Tomas Funeral Home.
RadyoMaN Jules Catisay
