Hilway na ang Kapitolyo kag safe na ang mga empleyado nga magbalik sa trabaho sini nga adlaw (August 17).
Ini ang mensahe nga ginpagwa ni Negros Occidental Gov. Eugenio Bong Lacson matapos nga ginlockdown sang nagligad nga semana ang Provincial Capitol bangud sang pag-positibo sa COVID-19 sang pila sini ka empleyado.
Suno kay Gov. Lacson nga durante sang lockdown, may na identify nga 7 pa ka mga empleyado nga nag-positibo kag natapna man ang paglapta sang virus sa amo nga talatapan.
Sa kabug-usan, may 22 ka confirmed case sang mga empleyado sang provincial government ang na-infect sa diin ini sila ang na-isolate kag ginahatagan sang nagakaigo nga pagtatap kag treatment sa mga health facilities.
. Walo sa 22 ka confirmed case ang naka-fully recover kag nakapauli na sa ila balay matapos naka kumpleto sang 14-day quarantine kag nag-negatibo na sa ikaduha nga test.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
