Para sa safety it tanan ag para nga makabulig sa pagresolba sa kaso it mga krimen o insidente may una nga ging proponer nga Draft Resolution No. 227 si SB member Mark Ace Bautista.
Daya nga resolusyon hay naga ingganyo sa tanan nga barangay sa banwa it Kalibo nga mag butang it pondo para sa Close-Circuit Television (CCTV) Systems bisan nga 2 megapixels lang nga iga-install sa mga pangunahon nga area sa andang mga barangay.
Nagapati si Bautista nga mabahoe dayang bulig para sa tanan nga pumueoyo sa andang mga lugar bangod nga ro banwa it Kalibo haya nakataeana eon nga mag-install it andang mga CCTV camera.
Nasayuran nga ro mga CCTV hay sambilog sa mga pamaagi sa pagresolba it mga naga kaeanabo nga panakawan, patayan ag aksidente bangod nga madaling ma kilaea do mga suspek kung makita andang mga itsura sa camera.
